Fáir vilja Sólveigu

Fáir lands­menn hafa trú á Sólveigu Önnu Jóns­dóttur, for­mann Eflingar, til að leiða Alþýðu­sam­band Íslands, ef marka má könnun Frétta­blaðs­ins um það hver sé best fall­inn til emb­ætt­is­ins. Sólveig Anna fékk aðeins 6,1 pró­sent fylgi meðal þátt­tak­enda en hún á hvað stærstan þátt í að hrekja Drífu Snædal af for­seta­stóli sam­bands­ins. Drífa virð­ist hins vegar njóta mik­ils trausts lands­manna því helm­ingur aðspurðra vildu að hún héldi áfram sem for­seti.

Menn­ing­ar­bylt­ing hefur staðið í verka­lýðs­hreyf­ing­unni þar sem Sólveig Anna, Ragnar Þór Ing­ólfs­son for­maður VR, og Vil­hjálmur Birg­is­son, for­maður Verka­lýðs­fé­lags Akraness,. hafa staðið í stafni og gefa fyr­ir­heit um að rétta af hlut öreiga. Ragnar og Vil­hjálmur njóta stuðn­ings um og innan við 20 pró­senta hvor.

Reiknað er með að harka eigi eftir að hlaupa í kjara­bar­átt­una í haust þegar þrem­inn­g­arnir reiða til höggs. Staða Sól­veigar Önnu er þó frekar þröng vegna hóp­upp­sagan og fram­komu hennar við eigið starfs­fólk sem grimm­ustu atvinnu­rek­endur telja til fyr­ir­myndar …