Vildi eignast dreng – Skírði allar þríburastúlkurnar sama nafni

Það getur verið erfitt að velja hið full­komna nafn fyrir barnið þitt, sér­stak­lega ef þú hefur ákveðið að halda kyni barns­ins leyndu á með­göngu þinni og ert viss um að það verði drengur. Í færslu á Quora, segir nafn­laus mann­eskja frá því þegar móðir hennar starf­aði á fæð­inga­deild í Banda­ríkj­unum. Segir hún að einn dag­inn hafi þangað hafi komið kona, ófrísk af þrí­burum, og var hennar heitasta ósk að eign­ast dreng. Konan hafði þegar ákveðið að nefna dreng­inn Robert.

Skömmu síðar kom í ljós að hún hafði ekki borið dreng undir belti heldur eign­að­ist hún þrjár stúlkur. Hún ákvað þó að nýta nafna­valið og gaf öllum þremur stúlk­unum sama nafn, með örlít­illi breyt­ingu, en í færsl­unni segir: „Í ljósi áfalls­ins ákvað hún að standa við áætlun sína. Fyrsta dóttirin hét Robert, önnur Larobert og sú þriðja Sharo­bert.“ Margir skrif­uðu athuga­semdir við færsl­una og sögðu  nafna­val móð­ur­innar heldur óheppi­legt fyrir stúlk­urnar. Þá voru nokkrir sem höfðu svip­aða sögu að segja, þar sem for­eldrar höfðu hrein­lega nefnt drengi stúlku­nöfnum og öfugt.