Harðar nágrannaerjur vegna bílastæða – Setti steina og hrífur við innkeyrsluna

Nágranna­erjur virð­ast hafa farið úr bönd­unum ef marka má umræðu­þráð Reddit en Mirror fjall­aði um málið. Konan, sem setti inn færsl­una, er komin með nóg af upp­á­tækjum nágrann­ans en hefur hann tekið upp á því að setja stærð­ar­innar steina við inn­keyrsl­una. Gerir hann það til þess að koma í veg fyrir að aðrir noti bíla­stæðið sem til­heyrir hans húsi. „Við erum með nýjan nágranna sem er hel­tek­inn af inn­keyrsl­unni sinni. Hann leyfir engum að nota hana, ekki einu sinni gestum sínum. Hann setur upp keilur,“ skrifar konan og heldur áfram.

„Við erum með lít­inn blett af runnum á milli hús­anna okkar og hann ákvað að setja grjót þarna inn. Svo setti hann stóra steina upp við inn­keyrsl­una okkar. Inn­keyrslan okkar er mjög þröng og hann setti líka stórt grjót í enda  inn­keyrslur okkar sem gerir það mjög erfitt að keyra að hús­inu.“ Nokkru síðar hafi mað­ur­inn bætt við virkið svo­kall­aða og sett garð­yrkju­hrífur upp á stein­ana.

Þá seg­ist hún reið vegna þess að mað­ur­inn hennar vilji halda frið­inn við nágrann­ann en telur hún að upp­á­tækin geti orðið til þess að hún, eða dóttir hennar, geti slasast. Biður konan að lokum um ráð en eru til­lögur net­verja þó mis­gáfu­legar.