Athafnakonan Kim Kardashian opnaði sig um kynlíf sitt og þáverandi kærasta hennar, Pete Davidson í nýjum þætti The Kardashians. Sagðist hún hafa farið að ráði ömmu sinnar.
Í þættinum, sem sýndur er í dag, 13. október, segir Kim frá því hvar hún og þáverandi kærasti hennar höfðu nýlega stundað ástarmök og það hafi verið allt ömmu hennar að þakka, henni Mary Jo Campell en þátturinn var tekinn upp áður en þau slitu sambandinu.
„Við Pete gistum á Beverly Hills Hotel um síðustu helgi og við sátum fyrir framan arineldinn, bara að spjalla í fleiri klukkustundir. Og ég sagði bara: „Amma mín sagði mér að maður lifir ekki lífinu fyrr en maður hefur stundað mök fyrir framan arineld“,“ sagði Kim við ömmu sína, mömmu sína Kris og systur sína Khloe í þættinum. „Þannig að við stunduðum legorð fyrir framan arineldinn, þér til heiðurs.“
Mary Jo stríddi Kim þá og spurði hvort arineldurinn hafi nokkuð verið í móttöku hótelsins. Því neitaði Kim og bætti við: „Hversu óhuggulegt er það að tala um ömmu sína rétt fyrir hvílubrögð?“ Amman svaraði að bragði: „Ég veit, en ég var eitt sinn yngri.“
Sagt er frá þessari stórfrétt á E News!.
Athugasemdir