Jón Baldvin Hannibalsson, fyrrverandi ráðherra, er ekki af baki dottinn þótt fjöldi kvenna hafi borið hann sökum um kynferðsbrot eða að hafa stigið yfir mörk sín. Jón Baldvin fær í dag birta næstum heilsíðugrein í Mogganum sem felur í sér breiðsíðuárás á Aldísi Schram, dóttur hans, og suma af fyrirsvarskonum MeToo byltingarinnar. Kveikjan að greininni er birting Stundarinnar á dagbókum skólastúlkunnar Þóru heitinnar Hreinsdóttur, sem upplýsa um óeðlilegt samband hennar við kennarann Jón Baldvin. Jón Baldvin er á níræðisaldri en ódrepandi í þeirri baráttu sinni að hreinsa mesta hroðann af ímynd sinni.
„Á sl. 20 árum hefur dóttir okkar haft frumkvæði að – eða staðið að baki – kærum á hendur mér fyrir kynferðislega áreitni við nánast allt kvenkyn í okkar fjölskyldu,“ skrifar hann um Aldísi. Greinin gengur að mestu út á samsæriskenningar um að Aldís standi að baki nánast öllum ásökunum og uppljóstrunum á annan tug kvenna um háttalag hans og ásókn í yngri stúlkur og konur.
Í greininni fær Ingibjörg Sólrún Gísladóttir, fyrrverandi formaður Samfylkingarinnar, á baukinn og lesa má að uppljóstarnir um kvennamál Jóns Baldvins séu öðrum þræði af pólitískum toga með hatur að leiðarljósi. Ólíklegt er að Jón Baldvin hafi neitt upp úr þessum skrifum og sumum kann að finnast að honum væri nær að biðjast afsökunar á því siðleysi sem þegar blasir við í sumum mála hans …
Athugasemdir