Rúntað á Rucio – 5. þáttur: Fordómar geta verið hið besta mál og argentínska sönggyðjan

Rucio er heldur betur kátur í dag því hér verður rætt um skap­ara hans, Miguel de Cervantes, höf­und bók­ar­innar Don Kíkóte. Jón Sigurður hafði for­dóma gagn­vart þeirri bók og höf­undi hennar. Það var því óvænt skemmtun sem beið hans þegar upp komst að engin inni­stæða var fyrir þeim. Fjallað verður um ótrú­legt lífs­hlaup Cervantes sem reynd­ist vera töffari frammi fyrir augum eilífð­ar­innar. Þess má geta að Rucio, sem er ans­inn sem Sancho Pancha reið í umræddri bók, vissi alla tíð hversu mikið var spunnið í höf­und­inn.

Svo verður rætt um argent­ínsku söng­kon­una Mercedes Sosa og spurt hvort við getum í raun skilið hvað sú merk­is­kona gerði fyrir þjóð sína. Fáum við ein­hvern­tíman að upp­lifa tón­leika einsog þá sem hún hélt í Buenos Aires árið 1983 eða eru það örlög okkar að hlýða ein­ungis á skemmti­krafta sem halda að okkur yfir­borðs­legu prjáli til þess að halda í okkur stuði, greddu og girnd? Eru til tón­lista­menn einsog Mercedes Sosa í dag? Hvar eru þeir ef svo er og eru þeir að syngja um frelsið? Þarf þess kannski? Svona spyrja þeir Rucio og Jón Sigurður til að láta reyna á hlust­endur.