Buguð Meghan brast í grát vegna líflátshótana: „Ég er móðir. Þetta er mitt raunverulega líf“

Í nýjum heim­ild­ar­þáttum Harry & Meghan, opn­aði her­toga­ynjan af Sussex sig um hvernig hót­anir gegn henni á sam­fé­lags­miðlum höfðu áhrif á líf hennar og runnu tár niður kinnar hennar.
„Ég held að fólk skilji í alvöru, þú veist, þegar þú plantar fræi sem er svo hat­urs­fullt, hvað það getur haft í för með sér,“ sagði hún en við hlið hennar sat Harrys prins.

„Fyrir örfáum dögum var ég að fara í gegnum hand­bók­ina fyrir öryggis­teymi okkar heima og á einni af síð­unum sem ég fletti á, var kafli um eft­ir­lit á net­inu,“ hélt hún áfram. „Þar stóð til dæmis: „Ef þú sérð tíst eins og þetta, vin­sam­leg­ast til­kynntu það til yfir­manns örygg­is­mála strax.: „Meghan þarf bara að deyja. Einhver þarf að drepa hana. Kannski ætti það að vera ég.“
Meghan sagði þetta hafa áhrif á sig og brast í kjöl­farið í grát.
„Ég er móðir. Þetta er mitt raun­veru­lega líf. Þetta er ekki bara ein­hver saga. Þetta gerir mig hrædda,“ sagði hún en þætt­irnir sem Netflix gefur út hafa vakið mikla athygli und­an­farið.