Rithöfundurinn Stefán Máni er gjarnan með eina bók á ári sem njóta vinsælda. Hann hefur þó ekki notið fastra ritlauna og ekki verið í sérstakri náð hjá þeim sem stýra úthlutunum. Rithöfundurinn var í viðtali við Egil Helgason í Kiljunni í gærkvöld þar sem hann lýsti því yfir að hann starfaði gjarnan við annað en skriftir og vildi hafa það þannig svo ritverk hans yrðu ekki þunnildi. Meðal annars hefur hann unnið í Garðheimum til að ná sér í súrefni og næra andann. Þá gaf hann lítið fyrir það að vera á listamannalaunum en fagnar krónunum ef þær berast. „Ritlaun eru frábær, mikið eða lítið,“ sagði Stefán Máni í bókmenntaþættinum og sagðist taka því vel, hvort sem hann fengi úthlutað eða ekki.
Viðhorf Stefáns Mána gengur þvert á grátstafi og reiðikast kollega hans, Einars Kárasonar sem talaði um samfélag drulludela í samhengi við það að hann fékk einungis úthlutað sex mánaða starfslaunum. Einar, sem stundum er hnyttinn og glaðvær, botnaði ekkert í því skilningsleysi úthlutunarnefndar að vera ekki með hann á fullum starfslaunum og hótaði að hætta að skrifa. Einhver gæti bent honum á að sækja um í Garðheimum …
Athugasemdir