Skrautlegt ástand var í Héraðdómi Reykjavíkur í gær þegar Margrét Friðriksdóttir varðist því að vera dæmd sek um hatursglæp gegn Semu Erlu. Málið snýst um atvik sem varð fyrir utan veitingastaðinn Benzin Café á Grensásvegi.
Sema Erla mætti í vitnastúku og lýsti atvikum. DV var á staðnum og lýsti því að Margrét starði í augu meints fórnarlambs og fussaði undan vitnisburðinum. Sema Erla sakaði Margréti um áreiti og vildi að hún yrði fjarlægð úr réttarsal. Dómarinn tók undir þá ásökun og sagði Margréti að hafa sig hæga. Lögmaður Margrétar, Arnar Þór Jónsson, tók í sams streng: „Margrét, nú hefurðu þig hæga, það er ég sem tala þínu máli hér,“ hefur DV eftir honum.
Eftir nokkrar fortölur róaðist leikurinn og Sema Erla lauk sínum vitnisburði án þess að meintur gerandi yrði fjarlægður úr réttarsalnum …
Athugasemdir