Ingó Veðurguð stígur út úr slaufuninni – Troðfullt á tvennum tónleikum í gærkvöld

Ingólfur Þór­ar­ins­son er snú­inn aftur í sviðs­ljósið eftir hlé og það með látum. Uppselt er á ferna tón­leika sem hann heldur í Háskóla­bíói um helg­ina. Rífandi stemmn­ing var á tón­leikum hans í gær­kvöld, að sögn gesta. Fólk reis úr sætum, hvað eftir annað. Hljóm­sveit hans var í topp­formi líkt og söngv­ar­inn. Hann tók nýtt lagt sitt, Gítarinn, og sagð­ist láta það lag segja allt sem þyrfti eftir það sem á undan er gengið. Í kvöld ætl­aði hann bara að vera skemmti­legur.

Ingólfur, eða Ingó Veðurguð, eins og hann er gjarnan kall­aður, hrökkl­að­ist úr sviðs­ljós­inu árið 2021 eftir að ásak­anir komu fram um kyn­ferð­is­of­beldi og áreiti Ingó gagn­vart ungum stelpum. Ingó neit­aði stað­fast­lega ásök­unum og lög­sótti nokkra ein­stak­linga sem höfðu sakað hann um brotin. Honum var í kjöl­farið slaufað fyrir til­stilli sam­tak­anna Öfga og fleiri aðila.

Nú er hann sem sagt kom­inn aftur upp á svið og það með látum. Troð­fullt var á tvennum tón­leikum hans í gær­kvöld og mikil stemmn­ing á meðal gesta. Líklegt er að þar með sé lokið þeirri slaufun sem staðið hefur í um tvö ár.