Brynjar Níelsson, stallari Jóns Gunnarssonar dómsmálaráðherra, er á meðal umdeildari manna. Þetta kom ágætlega fram í heimildaþáttunum Stormi þar sem rifjuð var upp andstaða stöku kverúlanta við bólusetningar og sóttkví vegna Covid. Brynjar er einn þeirra sem uppskar háð Þórólfs Guðnasonar sóttvarnalæknis og þríeykisins að tjaldabaki vegna skoðana sinna. Hann brást við á Facebook þar sem hann gaf lítið fyrir þættina vinsælu.
„Mér hefur gengið afskaplega illa að horfa á heimildarmyndina um kovidtímann og þríeykið enda verður hún seint kölluð skemmtiefni þótt ég og
frú Andersen
erum í aukahlutverkum. Hún líkist líka meira sjónvarpsleikriti en heimildarmynd. Ég er ekki viss um að þessi mynd eldist vel og heldur ekki enn ljóst hver er mesti fávitinn í sögunni …, skrifar Brynjar og það lekur af honum fýlan. Honum er líka fremur illa við þætti
Gísla Marteins Baldurssonar
sem hann tvinnar saman við Storm og „kallar gerviveröld sjálfhverfrar elítu“.„Þetta er eins og að horfa á Vikuna með Gísla Marteini í öðru veldi. Ég finn til með sumu fólki að þurfa að vera á þessari hátíð, alveg eins og með sumum gestum Gísla Marteins. Þeir geta ekki sett hendur fyrir andlit og tappa í eyrun eins og við sem erum heima,“ fjasar Brynjar ….
Athugasemdir