„Ég bið fólk sem til mín leitar að einblína á vellíðan og heilbrigði, ekki útlitið,“ segir Beta Reynis næringarfræðingur. En hún er löngu orðin kunn fyrir ráðgjöf sína og námskeið varðandi mataræði og heilsu og er með mastersgráðu í næringarfræði. „Það er í lagi að vilja léttast en það er meira áríðandi að vilja auka vellíðan og hreysti,“ bætir hún við.
Núna 17. apríl er að hefjast áhrifaríkt 6 vikna námskeið með Betu Reynis, þar sem áhersla er lögð á allar hliðar einstaklingsins; geðrækt, næringu og hreyfingu. Námskeiðið Betra líf er markviss þjálfun og lærdómur sem stuðlar að daglegri vellíðan.
Námskeiðið er sniðið að þeim sem vilja setja sjálfa sig í 1. sæti og endurheimta og betrumbæta eigið heilbrigði. Fylgt er ákveðnu matarprógrammi og þátttakendum gefin fjölbreytt og góð ráð sem nýtast andlegri og líkamlegri heilsu. Takmarkaður fjöldi á hverju námskeiði þar sem gert er ráð fyrir persónulegri eftirfylgni þar sem Beta Reynis fylgir hverjum og einum þáttakanda vel eftir. Fylgst er með mataræði þáttakenda það tímabil sem námskeiðið nær yfir og þátttakendur eru í beinu sambandi við leiðbeinanda í gegnum fjarfundi.
Allar nánari upplýsingar um námskeiðið hér.
Athugasemdir