Bubbi er ánægður með lífið: „Þegar ég horfi um öxl þá sé ég geggjað ferðalag“

Bubbi Morthens er heldur betur ánægður með lífið um þessar mundir. Segist hann skrifa eitt­hvað á hverjum ein­asta degi og að laga­smíð­arnar séu „skemmti­leg­asta vinna í heimi“.

Í nýrri færslu á Facebook skrifar Bubbi jákvæðnistexta um lífið og tón­list­ina. Segist hann meðal ann­ars lífið hafa kennt honum margt en að slæmar reynslur hafi verið hans bestu kenn­arar.

„Að semja lög og texta er mark­mið mitt dag hvern ég næ að skrifa eit­hvað hvern ein­asta dag vik­unar,lögin koma þegar ég gref eftir þeim mér þikir þetta skemti­leg­asta vinna í heim og ég upp­lifi hana sem leik.Lífið er mér gott hefur kent mér ýmis­legt ég hef upp­lifað vonda hluti og suma hræði­lega.Þeir hafa þegar upp er staðið verið mínir bestu kenn­arar,þegar ég horfi um öxl þá sé ég gegjað ferða­lag,þegar ég horfi fram á veg­inn er ég von­góður um það sama ,ég sé ekki eftir neinu það sem er gert er gert ég get bara reint að bæta mig dag hvern. Lífið er dásam­legt ég tek því með opin faðm­inn,“ skrif­aði Bubbi glaður í bragði.