Óskarsverðlaunaleikkonan Gwyneth Paltrow hefur nú svarað nokkrum krassandi spurningum um hennar frægu ástarsambönd.
Paltrow var gestur í hlaðvarpsþættinum Call Her Daddy en þar bar hún saman leikarana Ben Affleck og Brad Pitt og svaraði spurningum um hvor þeirra væri betri að kyssa, betri í rúminu og hver væri líklegri til að láta hana hlæja. Frá þessu segir Mirror.
Gwyneth hóf ástarsamband við Brad Pitt árið 1994 en þau trúlofuðust. Þremur árum síðar ákvað hún að slíta sambandinu því henni fannst hún of ung fyrir hjónaband en hún var þá 24 ára. Síðar átti hún svo í þriggja ára ástarsambandi við Ben Affleck.
Í upphafi viðtalsins í hlaðvarpinu, sagði hún að Brad væri betri leikari en Ben.
„Þeir eru báðir svo hæfileikaríkir. Og Ben er frábær handritshöfundur og leikstjóri en ætli ég verði ekki að segja að Brad sé betri leikari. Vegna allra ólíkra hlutverkanna sem hann hefur leikið.“
Aðspurð hvor hafi verið betri í rúmfræðinni svaraði hún: „Þetta er erfið spurning. Af því að Brad var eins og ást lífs míns á þeim tíma en Ben var með frábæra tækni,“ svaraði hún og bætti við: „Ég trúi ekki að dætur mínar muni heyra þetta.“
Gwyneth hélt áfram og sagði að Brad hefði betri stíl og hafi verið rómantískari en Ben hafi verið sá sem voru meiri líkur á að hún myndi rífast við og hlæja með.
Þáttastjórnandinn Alex Copper spurði þá: „Hvor hugsaði meira um útlitið? “
„Ég er ekki viss um að ég myndi segja að þeir hafi hugsað mikið um útlitið. Mér finnst hvorugur þeirra vera mjög hégómagjarnir og ég hrífst ekki af mönnum sem eru stanslaust að stara í spegilinn,“ svaraði hún. Bætti hún við í gríni: „Reyndar var Ben með svona spegla svip sem hann henti í spegilinn. Ég held að hann hafi verið að grínast samt.“
Paltrow fór í vörn þegar hún var spurð hvort leikaranna hafi verið betri að kyssa. „Þeir kysstu báðir frábærlega.“
Í viðtalinu staðfesti leikkonan að hún sé enn í samskiptum við Brad Pitt og að þau væru enn ástfangin af hvoru öðru.
Athugasemdir