Dánarorsök Ray Liotta liggur fyrir: „Þau sem þekktu hann, elskuðu hann“

Dán­ar­or­sök leik­ar­ans Ray Liotta hefur nú verið kunn­gerð, nærri ári eftir að hann lést í Dóminíska lýð­veld­inu, aðeins 67 ára að aldri.

Samkvæmt fjöl­miðlum vestra lést Goodfellas leik­ar­inn vegna önd­un­ar­færa­bil­unar og bráðrar hjarta­bil­unar.

Liotta lést í svefni í Dóminíska lýð­veld­inu en þar var hann við tökur á kvik­mynd­inni Dangerous Waters. Lét hann eftir sig dótt­ur­ina Karsen Liotta sem hann átti með fyrrum eig­in­konu sinni og unnust­una Jacy Nittolo en hún átti fjögur börn úr fyrra hjóna­bandi. Stuttu eftir að leik­ar­inn lést skrif­aði Nittolo eft­ir­far­andi texta á Instagram: „Það er ótrú­legt til þess að hugsa að mán­uður sé lið­inn. Það eru engin orð sem lýsa því hvað maður gengur í gegnum þegar maður verður fyrir svona óvæntum missi. Ég sakna hans hverja sek­úndu dags­ins. Hvern dag sé ég glitta í smá ljós með því að vera með börnum okkar, Dax, Karsen, Chazz, Jade og Joey. Í gegnum svo djúpan sárs­auka finn ég svo mikla ást og hlátur. Líf okkar nú er svo við­kvæmt en þó erum við öll að halda hvert öðru uppi. Það er eins og við séum ein stór, blönduð fjöl­skylda sem var ætlað að vera saman.“

Dóttir hans Karsen skrif­aði einnig um föður sinn á Instagram:

„Þau sem þekktu hann, elsk­uðu hann. Þú ert besti pabbi sem nokkur getur beðið um. Ég elska þig. Takk fyrir allt ❤️.“

Stuttu eftir and­lát Liotta var hann heiðr­aður með stjörnu á Hollywood Walk of Fame.