Jón Ásgeir í banastuði

Jón Ásgeir Jóhann­es­son athafna­maður hefur rifið olíu­fé­lagið Skeljung upp og komið því í góðan hagnað eftir nokkra logn­mollu. Þetta er sigur fyrir Jón Ásgeir sem lýsti því að eftir hrun hefði hann verið orð­inn nær gjald­þrota. Nú er hann upp­ris­inn og í bana­stuði.

Móð­ur­fé­lag Skelj­ungs, Skel, lætur ekki elds­neyt­is­mark­að­inn einan nægja því það teygir anga sína víðar um mark­að­inn. Nú stefna Jón Ásgeir og við­skipta­fé­lagar hans á stór­sókn á dag­vöru­mark­aði með net­verslun Heim­kaupa. Skelj­ungur á orðið stóran hlut í Wedo ehf., móð­ur­fé­lagi Heim­kaupa, Hópkaupa og Bland.is. Þarna er Jón Ásgeir á heima­velli en eins og kunn­ugt er á hann hvað stærstan hlut að baki vel­gengni  Bónuss sem varð á sínum tíma risi á mat­vöru­mark­aði undir hans stjórn.

Nýjasta útspil Jóns Ásgeirs er að ráða Grétu Maríu Grét­ars­dóttur sem fram­kvæmda­stjóra. Gréta María reif gengi Krón­unnar upp og kom henni upp að hlið­inni á Bónusi. Þá var hún um tíma í stjórn­enda­stöðu hjá Brimi en eftir snerti­lend­ingu í ferða­þjón­ust­unni er hún mætt til að gera Heimkaup að stór­veldi og það er hrollur í sam­keppn­is­að­il­unum …