Dorrit Moussaieff, fyrrum forsetafrú Íslands, minntist Silvio Berlusconi, fyrrum forsætisráðherra Ítalíu í færslu á Instagram.
Birti Dorrit ljósmynd sem er úr þáttunum Pretty Little Liars en hún sýnir ungar og huggulegar konur bera líkkistu. Á myndinni er ritað R.I.P. Silvio og er myndin tilvísun í kvensemi hins umdeilda forsætisráðherra en hann lést á dögunum 86 ára að aldri. Við færsluna skrifar Dorrit kankvís: „Eða skemmtu þér!!“
Berlusconi var afar umdeildur í lifanda lífi, bæði vegna spillingamála sem upp komu sem og karlrembustæla. Árið 2013 var hann dæmdur í sjö ára fangelsi fyrir að kaupa sér þjónustu vændiskonu undir lögaldri og fyrir að nota stöðu sína til að hafa áhrif á málið. Berlusconi áfrýjaði dómnum og var honum snúið við og var hann því frjáls ferða sinna. Stúlkan sem hann var sakaður um að hafa sofið hjá gegn greiðslu var 16 ára er hið meinta brot átti sér stað en hún hafði mætt í svokallað „bunga, bunga“ partý sem Berlusconi hélt með ungum vændiskonum. Stúlkan neitaði ávalt að hún hefði sofið hjá forsætisráðherranum, hann hafi bara verið einmanna karl sem vildi félagsskap ungra kvenna.
Athugasemdir