Brynjar Níelsson fyrrum alþingsmaður ritaði færslu á Fésbókarsíðu sína þar sem hann tjáir sig um nýjar fjölmiðlastjörnur Íslendinga. Þar segir hann jafnframt að fréttir frá gosinu séu eins og að horfa á sömu heimildarmyndina ár hvert:
„Nú er þriðja eldgosið á jafn mörgum árum á Reykjanesinu. Að fylgjast með fjölmiðlum núna er eins og að horfa á sömu heimildamyndina á hverju ári. Nú, eins og síðustu ár, eru jarðvísindamenn og almannavarnarfulltrúar sannkallaðar fjölmiðlastjörnur og áhrifavaldar og verða væntanlega í nokkrar vikur á hverju ári ef þessi gosframleiðsla heldur áfram.“
Hann vill meina að jarðvísindamenn og almannavarnarfulltrúa séu hinir nýju áhrifavaldar og ímyndar sér að það hljóti að vera erfitt að þurfa að svara sömu spurningunum ár hvert án nokkurra svara:
„Nú, eins og síðustu ár, eru jarðvísindamenn og almannavarnarfulltrúar sannkallaðar fjölmiðlastjörnur og áhrifavaldar og verða væntanlega í nokkrar vikur á hverju ári ef þessi gosframleiðsla heldur áfram. Hlýtur að vera erfitt að þurfa að svara sömu spurningunum ár hvert án þess að hafa svör.“
Brynjar er sérlega ánægður með einn þeirra og á sér orðið uppáhaldsáhrifavald sem er Þorvaldur Þórðarson, prófessor í eldfjallafræðum:
„Þessir nýju áhrifavaldar eru þó skemmtileg tilbreyting frá listamönnum sem eru sífellt gjammandi um hluti sem þeir hafa ekki vit á, svo ég tali nú ekki um fallna þingmenn sem halda að þeir hafi eitthvað fram að færa. Þorvaldur Þórðarson, prófessor í eldfjallafræðum, er í sérstöku uppáhaldi hjá mér. Talar hreint út á skiljanlegu máli og lítur út fyrir að vera húsvörður eða rútubílstjóri frekar en vísindamaður.“
Athugasemdir