Athafnamaðurinn Jón Ólafsson var um tíma einn sá umsvifamesti á Íslandi. Hann átti Stöð 2 og allt sem því fylgdi auk þess að vera sá stærsti á sviði plötuútgáfu. Þá var hann innvinklaður í fjárfestingar í banka undir merkjum Orca-hópsins þar sem Jón Ásgeir Jóhannesson og Þorsteinn Már Baldvinsson voru einnig innanborðs. Hann var á þeim tíma í ónáð stjórnvalda og þá sérstaklega Davíðs Oddssonar þáverandi forsætisráðherra sem leyndi ekki óbeit sinni á hinum nýríku og sérstaklega Jónunum tveimur. Þetta varð til þess að Jón Ólafsson seldi allt á á Íslandi og hélt af landi brott með hvelli.
Síðan hefur mikið vatn runnið til sjávar og þá ekki síst frá Þorlákshöfn. Jón stofnaði þar vatnsfyrirtæki- Iceland Glacier, ásamt Kristjáni syni sínum, sem í dag er risavaxið á heimsvísu og færir þeim feðgum gríðarlega veltu. Mogginn segir frá því í dag að erlendir fjárfestar eru að kaupa stóran hlut í fyrirtækinu. Þeirra á meðal er kínverski auðjöfurinn
Jack Ma, sem er að baki Alibaba. Jón hefur væntanlega aldrei verið ríkari en einmitt núna sem gerir honum kleift að njóta alls þess sem peningar gefa í lífinu. Sitthvað er þó auðlegð eða hamingja, eins og menn vita …
Athugasemdir