Guðjón Magnússon, hótelrekandi á Akureyri er það mikill aðdáandi vísindaskáldskapar að hann tók flug frá höfuðstað Norðurlands til Reykjavíkur til að sjá Terminator 2 í sérstakri föstudagspartýsýningu Bíó Paradísar síðastliðinn föstudag.
Guðjón eða Guddi eins og hann er ávalt kallaður, sagði í samtali við Mannlíf að hann hefði búið í Reykjavík fyrir 13 árum og hafi þá mætt á sérstaka sýningu Bíó Paradísar.
„Ég bjó í Reykjavík 2010 og fór þá á T1 og Robocop í Bíó Paradís en það sat alltaf sterkt í mér.“
Guddi sagði að hann hafi ekki verið lengi að taka ákvörðun þegar hann sá tilkynningu frá bíóinu um nýja föstudagspartýsýningu.
„Þegar það kom tilkynning um að T2 var á dagskránni þá pantaði ég mér strax miða og flug, fékk gistingu hjá félaga á Akranesi sem kom með mér en hann er harðasti Arnold [ Schwarzenegger – Innskot blaðamanns] aðdándi á Íslandi.“
Og hvernig fannst Gudda svo í bíói?
„Sýningin stóðst allar væntingar! hljóðkerfið frábært og stemningin góð. Það eru margir gimsteinar á dagskránni og en maður færi líklega á hausinn snemma ef maður færi á allar. En næsta er planið að fara á Jurassic Park!“ sagði Guddi illa sáttur og átti þá við sérstakar föstudagssýningar Bíó Paradísar en þá eru sýndir gamlir demantar.
Athugasemdir