Ingi Þór Ingibergsson varð orðavant þegar pervert hringdi inn í þáttinn Næturvaktin á Rás 2 um helgina.
Líkt og tíðkast í þættinum Næturvaktin sem þau Heiða Eiríksdóttir og Ingi Þór Ingibergsson skiptast á að stjórna, þá hringja inn einstaklingar í þáttinn og spjalla, senda kveðjur og biðja um óskalag, allt mjög svo huggulegt og vinalegt. Í síðasta þættinum, sem fór í loftið á föstudaginn fékk Ingi Þór þó heldur óþægilegan innhringjanda. Minnti símtalið helst á Tvíhöfða en svo gott er það nú ekki.
Hlustandinn var karlmaður sem talaði nokkuð óskýrt en bað um lagið Lágnætti með Guðmundi Jónssyni. Ingi Þór svaraði: „Núna erum við búin að vera á rokknótunum sko.“
Innhringjandinn svaraði af bragði: „Það varðar mig ekkert um.“ Við þetta skellir Ingi Þór upp úr en símhringjandinn hélt áfram: „Þetta er besta lag sem ég hef nokkurn tíma heyrt.“ En svo fór símtalið að súrna ansi hratt en þegar Ingi Þór spurði hlustandann hvort hann hefði heyrt lagið á Rás 2, svaraði hann: „Ég fróaði mér.“ Ingi Þór trúði ekki hvað hann hafi heyrt og spurði einfaldlega: „Ha?“ „Ég fróaði mér,“ svaraði hlustandinn. Ingi Þór var enn ekki að trúa því sem hann heyrði og spurði hvort ekki væri allt í góðu. Ekki heyrðist nógu vel hvað svarið var en hann endaði á að endurtaka að hann hafi fróað sér.
Starkaður Pétursson birti upptöku af samtalinu á X en hægt er að hlusta á það hér að neðan.
Athugasemdir