Stöðugt fleiri eru andvígir þeim sóðaskap sem á sér stað inni á fjörðum í kringum landið þar sem laxeldi á sér stað í þágu norskra auðkýfinga. Mikil mengun hefur hlotist í kringum sjókvíarnar. Þá er að koma á daginn að fjölmörg umhverfisslys hafa orðið þar sem lax hefur sloppið úr kvíum og blandast íslenska laxinum. Algengt er að sjá hnúðlax skakksporðast við strendur landsins og í ám sem áður voru tákn hreinleika.
Meðal þeirra sem barist hafa af hörku gegn vágestinum er tónlistarmaðurinn Bubbi Morthens sem lætiur menn heyra það óþvegið. Hann skrifaði grein á Vísi þar sem Einar Kristinn Guðfinnsson, fyrrverandi forseti Alþingis, fær að finna til tevatnsins fyrir að hafa gengið erinda norskra auðkýfinga eftir að ferli hans á þingi lauk. Norðmenn keyptu Einar til fylgilags við norskan málstað.
„Fyrrverandi forseti alþingis fór að lobbíast fyrir norska auðkýfinga og fjörður eftir fjörð var gefinn norskum aurgoðum sem vildu flýja regluverkið í Noregi og sáu að Ísland var án eftirlits,“ skrifar Bubbi og hefur væntanlega lög að mæla …
Athugasemdir