Keith Richards drekkur þó hann stundi hreinan lífsstíl: „Því ég er ekki að fara til himna í bráð“

Rokk­goð­sögnin Keith Richards segir að hreini lífs­stíll­inn sem hann iðkar nú, sé „ein­stök upp­lifun“ fyrir hann. Hann drekki þó annað slagið.

Í nýju við­talið við The Tel­egraph, við gít­ar­leik­ara Rollings Stones, sagð­ist rokk­goð­sögnin Keith Richards vera að „reyna að njóta þess að feta beinu braut­ina,“ nú þegar hann er hættur að nota eit­ur­lyf og sígar­ettur.

„Ég gaf sígar­ett­urnar upp á bát­inn árið 2019,“ útskýrði Richards. „Ég hef ekki snert þær síðan. Ég hætti í heróín­inu árið 1978. Ég hætti í kóka­ín­inu árið 2006.“ Bætti hann svo við: „Ég nýt þess enn að drekka annað slagið – því ég er ekki að fara til himna í bráð – en þess fyrir utan, er ég að reyna að njóta þess að feta beinu braut­ina. Það er ein­stök upp­lifun fyrir mig.“

Hinn 79 ára rokk­ari ræddi einnig um það ferli að eld­ast. „Ég er bless­aður, kannski, að lík­am­lega heldur þetta bara áfram. Hingað til hef ég ekki átt neitt erfitt með að eld­ast. Það eru nokkir hræði­legir hlutir sem þú getur séð í fram­tíð­inni, en þú þarft að kom­ast þangað. Ég er sáttur við það að verða átt­ræður, og enn á fótum, enn með málið. Mér finnst öldrun heill­andi ferli. Ef svo væri ekki, þá gæt­irðu alveg eins framið sjálfs­víg.“

Þrátt fyrir ald­ur­inn eru rokk­hund­arnir í Rolling Stones hvergi nærri hættir en þann 20 októ­ber kemur út nýjasta plata þeirra, Hackney Diomonds.

Hér má sjá fyrsta smá­skífu­lagið af plöt­unni: