Meint afsögn Bjarna Benediktssonar, formanns Sjálfstæðisflokksins, fer illa í þjóðina ef marka má kannanir og viðbrögð fólks. Mikill meirihluti þjóðarinnar hefði viljað að Bjarni tæki fulla ábyrgð á syndum sínum og færi úr pólitík. Sú aðgerð hans að þykjast axla ábyrgð en færa sig svo í þægilegri ráðherrastól reyndist vera leikrit og í besta falli barbabrella. Bjarni stendur á pólitískum brauðfótum eftir bramboltið.
Á þessum vettvangi var sagt frá áfornum Bjarna síðasta haust um að marka sér útgönguleið úr stjórnmálum með því að skipta um ráðherrastól við Þórdísi Kolbrúnu Reykfjörð Gylfadóttur. Þetta er komið á daginn en síðan er tímaspursmál hvenær Bjarni réttir henni jafnframt formannskeflið til að tryggja að óæskilegir aðilar á borð við Guðlaug Þór Þórðarson umhverfisráðherra fái ekki formannsstólinn. Stuðningsmenn Sjálfstæðisflokksins eru misspenntir fyrir Þórdísi og telja hana ólíklega til afreka.
Líklegt er að kominn sé á samningur að tjaldabaki um að Bjarni styðji Þórdísi til að taka við flokknum fyrir næstu kosningar. Hvenær það gerist ræðst af næstu könnunum og því hvorum megin við 20 prósentin flokkurinn lendir …
Athugasemdir