Helga Vala hæðist að svikahrappi:„Það eru nokkur atriði sem við þurfum að ræða virðulegi svindlari“

Helga Vala Helga­dóttir hæð­ist að netsvindl­ara í nýrri færslu á Facebook.

Netsvindl­arar hafa und­an­farið verið að færa sig upp skaftið og eru þeir orðnir svo kræfir að lög­reglan hefur fundið sig knúna til að senda út við­var­anir á almenn­ing. Helga Vala Helga­dóttir, lög­maður, leik­kona og fyrrum þing­kona Sam­fylk­ing­ar­innar, er ein af þeim sem fengið hefur á sig svindl­ara. Í hennar til­felli var um afar lélega til­raun til svindls að ræða en Helga Vala tekur þessu með stakri ró og ákveður að hæð­ast að svindl­ar­anum í spaugi­legri færslu á Facebook. Í henni notar hún tæki­færið og hnýtir aðeins og rík­is­stjórn­ina sem var að svissa ráð­herrum. Færsluna má lesa hér fyrir neðan:

„Sko… það eru nokkur atriði sem við þurfum að ræða virðu­legi svindl­ari. Það er ekki til neitt sem heitir Lands­lög­reglu Íclands. Svo rann­sakar eng­inn dóm og loks þá er Jón Gunn ekki lengur dóms­mála­ráð­herra, nema það hafi breyst á meðan við sváfum.

Annars bara takk fyrir póst­inn.“

Svindlin ger­ast vart lélegri