Sagnfræðingurinn Guðmundur Magnússon hefur svo sannarlega náð eyrum þjóðarinnar með yfirlýsingum sínum um meint barnaníð séra Friðriks Friðriksson, stofnananda KFUM og KFUK. Í nýrri bók Guðmundar, Séra Friðrik og drengirnir hans, er að finna ásakanir um að presturinn hafi níðst á ungum dreng. Vitnað er í umræddan einstakling sem kemur fram nafnlaust í bókinni. Egill Helgason, umsjónarmaður Kiljunnar, hjálpaði Guðmundi við sölutrikkið og að koma yfirlýsingunum á flug með þeim afleiðingum séra Friðrik er úthrópaður og krafa uppi um að stytta af honum verði fjarlægð. Vandséð er hvort og þá hvernig er hægt að sanna níðið á guðsmanninn.
Guðmundur hefur áður komist í fréttir vegna bókaskrifa. Þannig skrifaði hann sögu Thors Jensen og afkomenda hans. Í bókinni, Thorsararnir, sagði frá George Rockwell, fyrrverandi eiginmanni Þóru Hallgrímsson. Sá var leiðtogi nasista í Bandaríkjunum. Útgefandi Guðmundar var Björgúlfur Guðmundsson, seinni eiginmaður Þóru. Honum ofbauð svo skrif Guðmundar að hann lét eyða upplaginu. Höfundurinn tók þá út kaflann og bókin var prentuð án þess að nasistinn væri nefndur …
Athugasemdir