Davíð Oddsson, ritstjóri Morgunblaðsins og eftirlaunaþegi ríkisins, fer hamförum í leiðara Moggans í dag þar sem hann rantar um fjármál Reykjavíkurborgar og vegur enn og aftur að heiðri Dags B. Eggertssonar, fráfarandi borgarstjóra og Einars Þorsteinssonar, verðandi borgarstjóra. Í leiðaranum segir um Einar að hann hefði ekkert haldbært haft fram að færa í kosningabaráttunni nema það að hafa margendurtekið að hann „væri maður breytinganna“. Þá er í leiðaranum gert lítið úr störfum Einars á Ríkisútvarpinu sem hafi viljað breyta til og hætta „dútli sínu á fréttastofu „RÚV“, þar sem hann var ekki sérlega eftirminnilegur“. Þessi einkunn Davíðs er sérlega fyndin í því ljósi að að sjálfur mætir hann gjarnan í vinnu sína undir hádegi og fer heim í björtu í svartasta skammdeginu. Ríkið greiðir honum síðan ofurlaun og hjálpar útgáfunni þess utan með 100 milljóna króna framlagi.
Þetta er enn ein árás Moggans á stjórnendur Reykjavíkurborgar þar sem því er haldið fram að fjárhagurinn einkennist af óráðsíu. Við blasir flestum hugsandi mönnum að almennt er fjárhagur sveitarfélaganna bágur og Reykjavík alls ekki verst stödd.
Engum dylst að Mogganum og blaðamönnum hans er blygðunarlaust beitt í þágu Sjálfstæðisflokksins til að sverta andstæðinga hans. Andrés Magnússon blaðamaður fer þar framarlega í flokki en hann er bróðir Kjartans Magnússonar borgarfulltrúa Sjálfstæðisflokksins.
Svo einkennilegt sem það er þá kyssa menn vöndinn og hinir rógbornu skrifar greinar í blaðið og mæta í viðtöl. Þá eru sum fyrirtæki viljug að auglýsa í blaðnu innan um ófögnuðinn og almennir lesendur greiða að lágmarki um 100 þúsund krónur á ári fyrir áskrift …
Athugasemdir