Barnabarn hjóna sem létust á hótelherbergi í Egyptalandi segist hafa tekið eftir „viðbjóðslegri“ lykt á herbergi þeirra nokkrum klukkustundum áður en þau fundust látin. Málið þótti hið dularfyllsta en eftir rannsókn kom í ljós að hjónin höfðu látist úr kolmónoxíðeitrun af völdum gufa frá skordýraeitri sem notað var inn á hótelherbergi þeirra. Eitrinu hafði verið spreyjað í rúm hjónanna skömmu áður en þau dvöldu á lúxushóteli ásamt öðrum fjölskyldumeðlimum. Kvöldið örlagaríka flutti dótturdóttir hjónanna sig yfir í herbergi móður sinnar vegna lyktarinnar en hafði hún áður gist í sama herbergi. Í samtali við Breska fjölmiðla sagði hún lyktina hafa verið svo slæma að henni varð óglatt.
Daginn eftir hittist fjölskyldan á sundlaugabakkanum og voru gömlu hjónin ekki eins og þau áttu að sér að vera. Þau fóru upp á herbergi þangað sem dóttir þeirra, Kelly, kom og gáði að þeim síðar um daginn. „Um leið og hann opnaði hurðina fann ég lykt af uppköstum og hann bullaði bara. Hann sagði mér að þeim liði hræðilega. Þegar hann gekk… var það eins og að horfa á hoppbolta. Hann gekk í sikksakk og hallaði sér upp að veggjunum,“ sagði Kelly. Móðir hennar lá í rúminu og hafði ælt út um allt. Kelly og vinur fjölskyldunnar báðu hótelið um að hringja á lækni en það tók hann einn klukkutíma að koma. Á þeim tíma segir Kelly að andardráttur foreldra sinna hafði breyst. Þegar læknirinn kom var kallað á annan lækni þar sem faðir Kelly var hreyfingalaus og móðir hennar stundi af sársauka. „Ég þjáist enn af því áfalli að sjá þau deyja á svo hræðilegan hátt. Fjölskylda okkar er niðurbrotin án þeirra. Ég er enn í svo miklum sárum yfir þeirri hugsun að hægt hefði verið að koma í veg fyrir dauða þeirra en ég er ánægð með að við höfum nú loksins svörin. Þetta hefði aldrei átt að gerast í fyrsta lagi.“
Athugasemdir