Þórdís Kolbrún Reykfjörð Gylfadóttir fjármálaráðherra er í miklum vanda vegna ásælni ríkisins í „óbyggðir“ í Vestmannaeyjum og Grímsey. Óbyggðanefnd hefur kynnt Akureyringum og Vestmannaeyingum kröfur ríkisins um að stór hluti eyjanna verði eign ríkisins. Þar á meðal er höfuðdjásn Vestmannaeyja, sjálfur Heimaklettur. Íris Róbertsdóttir bæjarstjóri var hoppandi reið, í viðtali við Bylgjuna, þar sem hún fordæmdi áformin og skellti sökinna á Óbyggðanefnd sem sver af sér sakir en bendir á Þórdísi Kolbrúnu.
Sigmar Aron Ómarsson, framkvæmdastjóri nefndarinnar, segir við Vísi að það sé ekki Óbyggðanefnd sem gerir kröfurnar, heldur úrskurði nefndin um kröfur og kynni þær. Ásthildur Sturludóttir, bæjarstjóri Akreyrar og flokkssystir Þórdísar sem fer með forræði Grímseyjar, er einnig undrandi á fgramgöngu ráðherrans.
Málið er einstaklega snúið fyrir Þórdísi Kolbrúnu sem leynt og ljóst stefnir að því að fylla skarð Bjarna Benediktssonar og verða formaður þegar sá tími rennur upp. Klúðrið með óbyggðirnar hjálpar henni ekki í þeim efnum. Áslaug Arna Sigurbjörnsdóttir háskólaráðherra er klár í þann slag líka og líkleg til að hafa betur …
Athugasemdir