Mikill stuðningur er að skapast við hugsanlegt framboð Ölmu Möller landlæknis eftir að hún gaf upp aðspurð í fjölmiðlum að hún væri að „íhuga að íhuga“ framboð til forseta. Fólk henni nærri segir að síminn stoppi ekki hjá landlækni og hvatningar komi víða að. Nafn hennar var raunar oft nefnt í tengslum við Bessastaði löngu áður en Guðni Th. Jóhannesson, fráfarandi forseti, kom flestum á óvart með því að ákveða að bjóða sig ekki fram þriðja kjörtímabilið.
Alma varð daglegur gestur í stofum landsmanna þegar þjóðin fylgdist öll með fréttamannafundum á tímum Covid faraldursins. Hún ávann sér þá traust og virðingu landsmanna með látlausri framkomu, skýru og skiljanlegu orðfæri og mótandi fatasmekk af hæsta gæðastaðli. Alma hefur því það forskot á aðra hugsanlega kandídata að nær undir feldiöll þjóðin þekkir hana og virðir.
Ölmu þykir um margt svipa til Vigdísar Finnbogadóttur, fjórða forseta lýðveldisins. Hún er vel máli farin, glæsileg, skelegg en hógvær. Alma á að baki glæsilegan námsferil, var dúx í Menntaskólanum á Akyreyri, þótti afburðalæknir og nýtur óskoraðrar virðingar meðal allra heilbrigðisstéttanna. Mikill þrýstingur er því á Ölmu þessa dagana og telja margir að hún hljóti yfirburðakosningu gefi hún á annað borð kost á sér í embættið. hún ber höfuð og herðar yfir Ástþór Magnússon og aðra þá sem telja sig eiga erindi á Bessastaði. Alma liggur nú undir feldi …
Athugasemdir