Nöfnum hugsanlegra frambjóðenda til embættis forseta Íslands er þyrlað upp þessa dagana. Sumir fjölmiðlar hafa varla undan að nefna til sögunnar nýja frambjóðendur og afturkalla þá síðan daginn eftir. Þannig var Katrín Oddsdóttir, lögfræðingur og mótmælandi, kölluð til sögunnar eftir að Hallgrímur Helgason rithöfundur tilnefndi hana. Hún lýsti í framhaldinu yfir áhugaleysi. Bróðir Hallgríms, Gunnar Helgason leikari og rithöfundur, vildi ekki vera minni maður og skoraði á Baldur Þórhallsson stjórnmálafræðing að máta sig við Bessastaði ásamt maka sínum, Felix Bergssyni útvarpsmanni. Gunnar stofnaði Facebook-síðu um málefnið til að undirstrika alvöruna. Bubbi Morthens tónlistarmaður hefur látið í ljósi þann vilja sinn að Ólafur Jóhann Ólafsson rithöfundur bjóði sig fram. Frægðarmenni skora á fræga að bjóða sig fram er nýja formúlan.
Sá magnaði æsifréttamaður, Jakob Bjarnar Grétarsson á Vísi náði með stílbrögðum að koma því á framfæri að Katrín Jakobsdóttir forsætisráðherra væri líkleg til að sækjast eftir forsetaembættinu. Þetta byggði hann á svörum Katrínar í þinginu þar sem hún sagðist ekki hafa leitt hugann að forsetaframboði.
Katrín loðin í tilsvörum um forsetaframboð var útlegging Vísis. Flestum er ljóst að Katrín er í sjálfheldu fylgishruns og stjórnarkreppu sem hún stígur ekki léttilega út úr til að máta sig við forsetastólinn. Aftur á móti hefur hún gefið til kynna að ábyrgð hennar á fylgishruni VG kalli á viðbrögð …
Athugasemdir