Allur sá her forsetaframbjóðenda sem stigið hefur fram á sviðið veldur mörgum undrun og jafnvel svima. Víst er að ekki eru allir á framboðsbuxunum vegna þess að þeir geri sér vonir um að hreppa hnossið þegar Guðni Th. Jóhannesson víkur úr embætti.
Steinunn Ólína Þorsteinsdóttir einn þeirra sem vill taka sér far með Bessastaðarútunni. Steinunn er eldklár, býr yfir kjörþokka og þykir skelegg í máli. Hún trúir því þó varla að raunhæfur möguleiki sé á sigri í samkeppni við Baldur Þórhallssson, Jón Gnarr eða Katrínu Jakobsdóttur sem öll stefna á Bessastaði. Kenning er uppi um að Steinunn Ólína sé með framboði sínu í því langhlaupi að undirbúa jarðveginn fyrir þingkosningar og muni taka slaginn með Sósíalistaflokki Gunnars Smára Egilssonar sem marar í hálfu kafi utan þings. Tilkoma hennar gæti orðið sá X-factor sem sparkaði flokknum upp og inn á þing …
Athugasemdir