Jón Gnarr er góður á þvottavél: Stærstu stundirnar þegar börnin fæddust og fluttu loks að heiman

Senn rennur út frestur til að safna lág­marks­fjölda með­mæl­enda, ætli maður sér að sækj­ast eftir því að verða for­seti Íslands. Á átt­unda tug manna hefur að und­an­förnu safnað með­mælum en nokkrir hafa nú þegar náð þeim áfanga og eru því gjald­gengir í fram­boð.

Mannlíf lagði spurn­inga­lista fyrir þeim fram­bjóð­endur sem náð hafa lág­marks­fjölda með­mæla, svo þjóðin fái að kynn­ast þeim betur. Munu svör fram­bjóð­end­anna vera birt á næstu dögum.

Jón Gnarr ríður á vaðið en í svörum hans má sjá ýmis­legt áhuga­vert. Þar kemur meðal ann­ars fram að upp­á­halds bók hans er rúss­neska skáldsagan Meist­ar­inn og Margar­íta eftir Mikael Bulgakov og að Þór­bergur Þórð­ars­son er hans helsta fyr­ir­mynd í líf­inu.

Hér má lesa svör Jóns:

Uppáhaldsstaður á Íslandi?

Ég elska skóga; Heiðmörk, Skorra­dal, Kjarna­skóg og auð­vitað Hall­orms­stað. Svo er ég mjög svag fyrir Þing­völlum.

Á forseti að sitja lengur en tvö kjörtímabil?

Já mér finnst það nokkuð opið.

Hvaða breytingar viltu sjá á stjórnskipan Íslands?

Þær grund­vall­ar­reglur sem gilda um stjórn og skipu­lag íslenska rík­is­ins finnst mér í heild­ina skýrar; þrí­skipt­ing rík­is­valds­ins, þing­ræð­is­reglan og þing­ræðið sem grund­vallað er í stjórn­ar­skrá Íslands. Alþingi hefur gert breyt­ingar á stjórn­ar­skránni til að skerpa á ákvæðum og forð­ast mis­skiln­ing. Ég vona að sú vinna haldi áfram. Nýja stjórn­ar­skráin er svo önnur og stærri umræða.

Hver er þinn uppáhalds forseti?

Frú Vigdís Finn­boga­dóttir. Hún hefur verið mér fyr­ir­mynd í líf­inu.

Finnst þér að gera eigi kröfu um fleiri fjölda með­mæl­enda fram­bjóð­enda til emb­ættis for­seta Íslands?

Ég er ekk­ert viss um það. Mér finnst ánægju­legt hversu mörg bjóða sig fram og finnst það merki um heil­brigt lýð­ræði. Mér sýn­ist líka flest eiga í fullu fangi með að upp­fylla þann með­mæl­enda­fjölda sem kraf­ist er og átta mig ekki alveg á til­gangi þess að fjölga þeim.

Hver er þín helsta fyrirmynd í lífinu?

Þór­bergur Þórð­ar­son.

Hver er uppáhaldstónlist þín?

Ég held að Ormurinn langi í flutn­ingi Fær­ey­inga á Ólavsvöku sé það flottasta lag sem ég hef heyrt.

Hefurðu neytt ólöglegra fíkniefna?

Já, það hef ég gert en mæli ekki með því.

Gerði Ólafur Ragnar Grímsson rétt með því að beita neitunarvaldinu á sínum tíma?

Já, það tel ég.

Hver var stærsta stundin í lífi þínu?

Þegar börnin mín fædd­ust og líka þegar þau fluttu loks að heiman.

Hver eru mestu vonbrigðin?

Að ekk­ert minna barna skyldi leggja fyrir sig öldr­un­ar­lækn­ingar.

Fallegasta ljóðið?

Völuspá. Enda eitt feg­ursta kvæði í heimi.

Besta skáldsagan?

Meist­ar­inn og Margar­íta eftir Bulgakof.

Hvað er það besta við Ísland?

Fólkið.

Kanntu á þvottavél?

Já, ég er meira að segja mjög góður á þvotta­vél

Ef þú ættir eina ósk, Íslendingum til hagsbóta, hver væri hún?

Að við höldum alltaf tryggð við sögu okkar, menn­ingu og tungu.

Að þínu mati, hvert er helsta hlutverk forseta Íslands?

Hann á að vera sam­ein­ing­ar­afl fyrir fólkið í land­inu.

Borðarðu þorramat?

Já með mik­illi lyst. Hákarl er sæl­gæti.

Ertu rómantísk/ur?

Já og nei. Mér finnst ég mjög róm­an­tískur en Jógu kon­unni minni finnst ég mætti bæta mig.

Í stuttu máli; hvers vegna ætti að kjósa þig til emb­ættis for­seta Íslands?

Gefa mér tæki­færi á að gera gagn og leggja mitt af mörkum til lands­ins sem ég elska.