Stórsigur Svandísar

Svandís Svav­ars­dóttir, fyrr­ver­andi mat­væla­ráð­herra, hefur unnið stór­sigur í stríði sínu gegn hval­veiðum þrátt fyrir að hafa verið staðin að því að brjóta á Hvall hf. með veiði­banni síð­asta sumar. Fyr­ir­tækið hefur enn ekki fengið starfs­leyfi til veiða vegna kom­andi sum­ars og rík­is­lög­maður hunsar kröfu um skaða­bætur. „Eins og staðan er núna er útséð um
að hval­veiðar verði í sumar,“ segir Kristján Loftsson, fram­kvæmda­stjóri Hvals hf.,við Moggann.
Hann segir að fyr­ir­tækið bíði enn eftir svörum frá mat­væla­ráð­herra við umsókn um
leyfi til veiða á lang­reyðum en fái engin svör fremur en frá rík­is­lög­manni sem hafi tekið sér hund­rað daga til að liggja á svörum við kröf­unni um skaða­bætur.

Þessi staða er merki­leg í því ljósi að gríð­ar­lega ólga var innan Sjálf­stæð­is­flokks­ins vegna fram­göngu Svan­dísar ráð­herra gagn­vart Hvali hf. Stjórn­ar­slit lágu í loft­inu. Þá blasir við að Svandís hefur unnið stór­sigur með því að gera út af við rekst­ur­inn.

Sjálf er Svandís komin í skjól í einn veiga­meira ráðu­neyti. Villi­kett­irnir Óli Björn Kárason, Teitur Björn Ein­ars­son og aðrir hval­veiði­s­innar í Sjáf­stæð­is­flokknum sitja eftir nið­ur­njörv­aðir með sárt ennið og skuld­bind­ingu um að styðja rík­is­stjórn Bjarna Bendikts­sonar og Svan­dísar Svav­ars­dóttur sem hefur með póli­tískri snilld og tak­marka­lít­illi ósvífni virð­ist hafa náð fram þeim mark­miðum sínum að drepa fyr­ir­tæki með reglu­gerð og síðan aðgerð­ar­leysi …