Hera Björk komin á botninn – Talin hafa minnsta möguleikann á að komast upp úr undankeppninni

Framlag Íslands í Eurovision söngvakeppn­inni í ár, Scared of Heights sem Hera Björk Þór­halls­dóttir flytur, er neðst á lista helstu veð­banka heims sem spá fyrir um þau atriði sem talin eru að kom­ist upp úr fyrra und­an­úr­slita­kvöld­inu.

Hera Björk heldur áfram að falla niður lista veð­bank­anna sem birtur er á síð­unni Eurovisionworld.com. Nú er íslenska fram­lagið komið niður í 28. sæti list­ans yfir sig­ur­strang­leg­ustu lögin og ef spáin fyrir fyrra und­an­úr­slita­kvöldið, sem Hera Björk tekur þátt í ásamt 14 öðrum, með lagið Scared of Heights, gengur eftir, kemst hún ekki á úrslita­kvöldið. Fram­lagið er sagt hafa 19 pró­sent líkur á að kom­ast í úrslitin og er neðst á list­anum. Króatía og Úkraína eru talin hafa mesta mögu­leik­ann á að kom­ast áfram en 96 pró­sent líkur eru taldar á því. Litháen er svo í þriðja sæti list­ans með 95 pró­sent líkur.

Ekki lítur þetta vel út fyrir Ísland.

Mynd: Trausti Haf­steins­son

Fyrra und­an­úr­slita­kvöldið fer fram 7. maí næst­kom­andi, seinna und­an­úr­slita­kvöldið fer svo fram 9. maí og úrslita­kvöldið sjálft þann 11. maí en keppnin fer fram í Malmö í Svíþjóð.