Sigríður Dögg Auðunsdóttir, endurkjörinn formaður Blaðamannafélags Íslands, hefur ásamt stjórn sinni lagt upp í mikla herferð gen Hjálmari Jónssyni, fyrrverandi framkvæmdastjóra og formanni, þar sem leitað var allra mögulega vísbendinga um að framkvæmdastjórinn hafi misfarið með fé félagsins. Þetta gerist í framhaldi þess að Hjálmar benti á að Sigríður væri sek um stórfellt skattamisferli við útleigu á íbúðum sem væri ekki sæmandi sitjandi formanni.
Hjálmar var rekinn úrt starfi og KPMG fengið til að skoða bókhald félagsins. Mogginn segir frá því að þar hafi komið upp mál á borð við það að framkvæmdastjórinn hafi í einhverjum tilvikum greitt sjálfum sér og öðrum laun fyrirfram en endurgreitt jöfnum höndum. Hjálmar svarar þessum ávirðingum af krafti og bendir á að hann hafi enn ekki fengið að sjá skýrslu KPMG sem var kynnt á aðalfundi félagins til að svara henni. Hann segist ekki hafa átt von á slíkum „óþverra“ yfir sig sem raun beri vitni. Ekki verður séð að Hjálmar sé sekur um að hafa brotið lög í starfi sínu.
Herferðin gegn Hjálmari þykir lykta af hefnd Sigríðar gegn framkvæmdastjóranum sem stýrði Blaðamannafélaginu í áratugi. Sigríður Dögg er sjálf er gríðarlega umdeild og hefur sjálf aldrei upplýst að fullu um skattamisferli sitt að öðru leyti en að viðurkenna að hún hafi farið á svig við skattalög og um væri að ræða verulegar upphæðir. Hún situr sem formaður á ábyrgð annarra stjórnarmanna Blaðamannafélagsins og auðvitað þeirra blaðamanna sem studdu hana …
Athugasemdir