Hæðist að Kristrúnu Frostadóttur: „Aldrei verið annað en flokkur lista- og menningarelítunnar“

Brynjar Níelsson hæð­ist að Kristrúnu Frosta­dóttur í nýrri Facebook-færslu.

Lög­mað­ur­inn og vara­þing­mað­ur­inn Brynjar Níelsson gerir grín að for­manni Sam­fylk­ing­ar­innar sem sagði á fundi í gær að flokkur hennar væri í grunn­inn flokkur alþýðu og verka­lýðs. Ekki gefur Brynjar mikið fyrir þá sögu­skýr­ingu Kristrúnar.

„Formaður Sam­fylk­ing­ar­inar er fyndn­ari en ég hafði gert mér grein fyrir. Hún sagði á fundi 1. maí að Sam­fylk­ingin væri í grunn­inn flokkur alþýðu og verka­lýðs. Sam­fylk­ingin, sem vart er komin af ung­lings­aldri, hefur aldrei verið annað en flokkur lista- og menn­ing­ar­el­ít­unnar í bland við mennta­snobbliðið úr svoköll­uðu háskóla­sam­fé­lagi. Þessir hópar hafa aldrei haft áhuga á nokkrum öðrum en sjálfum sér, sér­stak­lega sá fyrr­nefndi,“ segir Brynjar sem senni­lega er nokkuð bitur yfir skoð­ana­könn­unum síð­ustu ára sem sýna vin­sældir Sam­fylk­ing­ar­innar aukast sífelt á kostnað Sjálf­stæð­is­flokks­ins, sem aldrei hefur verið óvin­sælli.

Segir Brynjar að lokum að Kristrún eigi erfitt verk fyrir höndum.

„Má vera að for­verar Sam­fylk­ing­ar­innar hafi átt ein­hverjar rætur hjá alþýð­unni og verka­lýðnum fyrir miðja síð­ustu öld. En það er ansi langt síðan. For­mað­ur­inn á erfitt verk fyrir höndum til að öðl­ast til­trú þeirra sem strita í sveita síns and­lits að búa til verð­mæti svo elítu­liðið geti leikið sér. Það kallar á „extreme makeover“ flokks­manna, eins og það heitir á útlensku.“