Hera Björk nær ekki á Topp 50 lista Spotify, degi fyrir undankeppnina

Hera Björk Þór­halls­dóttir nær ekki á Topp 50 lista Spotify á Íslandi, með Eurovision-fram­lagið Scared of Hights, degi fyrir und­ankeppn­ina í Svíþjóð.

Á morgun stígur Hera Björk á Eurovision-sviðið í Malmö í fyrri und­ankeppn­inni en helstu veð­bankar heims spá því að Hera Björk kom­ist ekki upp úr riðl­inum. Spotify birtir reglu­lega vin­sæld­ar­lista en ef Topp 50 list­inn yfir lög sem vin­sælust eru á Íslandi um þessar mundir, vekur athygli að Scared of Heights, Eurovision-fram­lag Íslands í ár, í flutn­ingi Heru Bjarkar, nær ekki á list­ann. Verður það að telj­ast óvenju­legt, svona rétt fyrir Eurovision-veisl­una.

Söng­konan hefur verið gagn­rýnt harð­lega fyrir að taka þátt í Eurovision í Malmö, í ljósi þess að Ísrael fær að keppa, á sama tíma og yfir­völd í land­inu fremja þjóð­ar­morð á Palest­ínu­mönnum á Gaza. Helj­ar­innar sam­stöðu­tón­leikar verða haldnir annað kvöld í Háskóla­bíói en þeir verða á sama tíma og und­ankeppnin verður haldin. Á tón­leik­unum koma fram margir af helstu tón­lista­mönnum þjóð­ar­innar, þar á meðal Ellen Krist­jáns­dóttir og dætur hennar í hljóm­sveit­inni Systur, Ásgeir Trausti, GDRN, Svala Björg­vins, MC Gauti og Una Torfa­dóttir, svo ein­hverjir séu nefndir.

Hera Björk nær ekki heldur á Topp­lista Bylgj­unnar en þess ber þó að geta að hún situr í níunda sæti Vin­sæld­ar­lista Rásar 2.