Lögreglan fór um borgina með klippur – Hross á hlaupum um Hvalfjarðarveg

Lög­reglan tók í nótt rispu í því að klippa ein­kenn­is­merki af bif­reiðum sem ekki höfðu verið færðar til skoð­unar eða voru að öðru leyti ólög­legar. Fimm eig­endur slíkra bif­reiða mæta nýjum degir með afklipptar bif­reiðar sínar. Viðbúið er að yfir­reið lög­regl­unnar með klipp­urnar haldi áfram á næst­unni og því ráð­legt fyrir brot­lega að gera yfir­bót og bregð­ast við.

Ódámar brutu rúður í bið­skýli Strætó við Suð­ur­lands­braut.

Bifreið var stöðvuð og þá kom í ljós að ekki var allt með felldu. Ökumaður er grun­aður um akstur undir áhrifum fíkni­efna. Þá er hann jafn­framt grun­aður um vörslu fíkni­efna. Annar slíkur var grip­inn, grun­aður um akstur undir áhrifum fíkni­efna. Sá reynd­ist hafa verið skiptur öku­rétt­indum vegna fyrri afskipta lög­reglu.

Tilkynnt var um slags­mál utan við skemmti­stað í mið­bænum. Þá var lög­regla kölluð til vegna rúðu­brota í bif­reið.

Tilkynnt var um slags­mál. Tveir voru hand­teknir vegna gruns um að hafa brotið af sér. Þeir voru læstir inni í fanga­klefa og svara til saka með nýjum degi.

Slys var í mót­or­kross­braut­inni í  Mos­fellsbæ. Tveir lentu í árekstri. Þeir voru fluttir á Bráða­mót­töku til skoð­unar.

Veg­far­endum brá í brún þegar þeir mættu hrossum serm skeið­uðu um Hval­fjarð­ar­veg. Mikil slysa­hætta er af slíku og getur verið lífs­hætta fyrir menn og dýr þegar bif­reið hafnar á hesti. Lög­reglan greip í taumana og afstýrði hætt­unnni.