ÆSAR gaf út hljómplötu á miðnætti – Innsýn í hugarheim og tilfinningalíf ungs manns í Reykjavík

ÆSAR gáfu út glæ­nýja hljóm­plötu á mið­nætti í gær­kvöldi.

Hljóm­platan ÁTRÚNÓ kom út í gær­kvöld en hún er að sögn höf­unda inn­sýn í hug­ar­heim og til­finn­inga­líf ungs manns sem reynir að fóta sig í líf­inu sam­hliða því stríði sem geisar innra með honum. Í til­kynn­ingu sem barst frá ÆSUM segir sagan frá storma­sömu ást­ar­sam­bandi og til­raunum unga manns­ins við að blómstra í grámyglu Reykja­vík­ur­borgar og hringekju skemmt­ana­lífs­ins.

ÁTRÚNÓ

Platan er fyrstu per­sónu frá­sögn sögu­hetj­unnar í leit að sjálfum sér er hann spíg­sporar um hæðir og lægðir til­ver­unnar, umheim hans og ást­ar­sam­bandið sem hel­tekur huga hans, eins og það er orðað í til­kynn­ing­unni. Að sögn höf­unda má líta á verkið sem leik­rit, eða bók­mennta­verk. Hljóð­heim­ur­inn er fjöl­breyttur en rauði þráð­ur­inn er línu­leg frá­sögn sem sögð er frá fyrsta lagi til hins síð­asta; „konsept plata“. Ein­vala­lið taktsmiða og upp­töku­stjóra tók þátt í gerð plöt­unnar og eru ÆSAR stoltir af því að birta hana nú loks opin­ber­lega.

Platan varð til á tveimur mán­uðum en gerð hennar var átta ára ferða­lag sem nú loks hefur náð áfanga­stað, að sögn höf­unda. ÆSAR eru Guðjón Heiðar og Bragi Björn.

Hægt er að hlusta á plöt­una í heild sinni hér.