Hildur missir tökin

Uppnámið inn­an­borg­ar­stjórn­ar­flokks Sjálf­stæð­is­flokks­ins vegna Borg­ar­lín­unnar hefur vakið mikla athygli. Flokk­ur­inn er þrí­klof­inn í mál­inu og hver höndin upp á móti annarri. Þetta kom í ljós þegar greidd voru atkvæði um upp­færöa Borg­ar­línu. Þetta er ekki síst skondið í því ljósi að Bjarni Bene­dikts­son, for­maður flokks­ins, og allir helstu áhrifa­menn flokks­ins í nágranna­sveita­fé­lögum Reykja­víkur styðja áform um Borg­ar­línu.

Leiðtogi borg­ar­stjórn­ar­flokks­ins, Hildur Björns­dóttir, var fjarri góðu gamni á ferða­lagi erlendis með móður sinni. Fæstum dylst að Hildur hefur misst tökin og hún nær ekki að láta sitt fólk halda takti. Afleð­in­ingin er sú að fylgi Sjálf­stæð­is­flokks­ins í Reykja­vík mælist vera fyrir neðan allar hellur.

Leitin að nýjum leið­toga flokks­ins í Reykja­vík er hafin. Ein­hverjir staldra við nafn Kjartans Magn­ús­sonar borg­ar­full­trúa sem hefur verið áber­andi og virkur í stjórn­ar­and­stöðu. Aðrir vilja sjá Friðjón Frið­jóns­son borg­ar­full­trúa við stjórn­völ­inn en hann þykir vera ein­hver mesti klækja­refur sam­tím­ans í stjórn­málum. Svo eru það þeir sem vilja fá nýtt blóð í borg­ina í þeirri von að tak­ist að koma flokknum upp úr hyl­dýpi fylg­is­hruns­ins …