Áslaug Arna Sigurbjörnsdóttir, ráðherra vísinda, hefur ekki átt sjö dagana sæla á lífsleiðinni. Hún rekur raunir sínar í færslu á Facebook þar sem hún hvetur fólk til að grandskoða pólitíska stöðu sína og hvort það eigi heima í Sjálfstæðisflokknum. Í því samhengi reifar hún þá erfiðleika sem hún hefur þurft að fást við vegna þátttöku sinnar í stjórnmálum.
„Ég hef orðið fyrir hráka einstaklings sem ég mætti á gangstétt og hatrið skein úr augnaráðinu. Ég hef yfirgefið veitingastað vegna konu sem veittist svo harkalega að mér að ég óttaðist um öryggi mitt. Ég hef brotnað saman þegar lygar um persónu mína fara á flug,“ skrifar Áslaug Arna án þess að útskýra nánar hverjar lygarnar um hana eru.
Hún viðurkennir að hafa gert bandalag við fólk um mál sem henni hugnast ekki til þess að ná fram málum sem hún telur vera mikilvæg sér og Sjálfstæðisflokknum.
Niðurstaða Álaugar Örnu, sem gæti orðið næsti formaður flokksins, er sú að nauðsynlegt sé að sjálfstæðismenn standi saman um að gera Sjálfstæðisflokkinn aftur að þeim burðarás sem hann eitt sinn var og rísa þannig upp úr þeirri eymd sem fylgir því að vera með rúmlega 13 prósenta fylgi.
Víst er að einhverjir finna til með ráðherranum sem hefur gengið þá þyrnum stráðu braut að hrækt hefur verið á hana, logið upp á persónu hennar og hún hrakist út af veitingastað undan ofsóknum illvígrar konu …
Athugasemdir