Miðflokkurinn, undir forystu Sigmundar Davíðs Gunnlaugssonar, fer nú með himinskautum í skoðanakönnunum og er stærri en Sjálfstæðisflokkurinn og meira en tvöfalt stærri en móðurflokkurinn, Framsókn. Við þær aðstæður dúkka upp viljugir frambjóðendur sem vilja nýta veldvild kjósenda til að komast á Alþingi. Þeirra á meðal var Arnar Þór Jónsson, fyrrverandi forsetaframbjóðandi, sem virðist telja að það sé lífsspursmál fyrir þjóðina að hann setjist á Alþingi og bauðst til að taka yfir stefnu Miðflokksins. Miðflokksmenn vísuðu honum á dyr.
Frosti Sigurjónsson, fyrrverandi þingmaður Framsóknarflokksins, hefur nú stokkið fram á sviðið og virðist leita sér að skipsrúmi sem geti komið honum á þing. Hann var harðorður í viðtali við Frosta Logason í hlaðvarpinu Brotkasti. Hann lýsti Þórdísi Kolbrúnu Reykfjörð Gylfadóttir utanríkisráðherra sem landráðamanni vegna lokunar á sendiráði Íslands í Moskvu og segir hana hafa tryggt Íslandi merkta eldflaug frá Rússum komi til kjarnorkustríðs.
„Þetta er einn versti utanríkisráðherra sem við höfum haft, að mínu mati. Alveg ævintýralega slæmur,“ sagði Frosti við Frosta.
Athyglisvert þykir að Frosti skuli fara af hörku gegn Þórdísi Kolbrúnu sem er í embætti á ábyrgð hans gamla flokks, Framsóknarflokksins. Þetta þykir benda til þess að hann vilji komast aftur inn í hlýjuna við Austurvöll og þá líklega með Miðflokknum en kærleikar hafa verið milli hans og Sigmundar Davíðs …
Athugasemdir