Einelti á Vigdísi

Vigdís Häsler, fyrr­ver­andi fram­kvæmda­stjóri Bænda­sam­tak­anna, komst svo sann­ar­lega á blað þegar Sigurður Ingi Jóhanns­son, for­maður Fram­sókn­ar­flokks­ins, við­hafði um hana rasísk ummæli með því að kalla hana þessu svörtu. Sigurður var lengi vel þög­ull um málið en end­aði svo með því að biðj­ast afsök­unar.

Vigdís fékk aftur á móti fyrir ferð­ina hjá Bænda­sam­tök­unum nokkru seinna þegar hún var rekin. Það gerð­ist eftir að nýr for­maður, Trausti Hjálm­ars­son, komst til valda. Vigdís  tók við völdum. Hún segir í sam­tali við Heim­ild­ina að kosn­inga­vél Fram­sókn­ar­flokks­ins hafi verið ræst til að koma nýja for­mann­inum til valda.

Eftir að Trausti tók við í vor hafi sam­skipti hans og Vigdísar verið mjög sára­lítil og aðeins að hennar frum­kvæði. „Ef ég hefði verið á almennum vinnu­mark­aði hefði þetta verið bull­andi ein­elti,“ segir Vigdís við Heim­ild­ina. Seinna flaug fyrir að brott­rekstur hennar hafi verið af póli­tískum toga og hún væri stöðugt í „ein­hverjum átökum.“

Það borgar sig greini­lega ekki að lenda upp á kant við Fram­sókn­ar­fliokk­inn og bændur. Sigurður ingi virð­ist þó hafa sigr­ast á for­dómum sínum ef marka má þrum­ræðu hans í umræðu­þætti Rík­is­út­varps­ins í gær hvar hann flutti eld­messu um að við ættum að vera góð við útlend­inga …