Það getur stundum verið krefjandi að eiga unglinga því þeir geta tekið upp á ýmsu. Laufey Ýr Sigurðardóttir læknir fékk að kynnast því þegar gestur dóttur hennar stal brauðrist heimilisins en hún var þeim mjög kær. Laufey tilkynnti þjófnaðinn í íbúahópi í Garðabæ.
„Jæja kæru nágrannar. Unglingurinn minn fékk að halda partý í gær (jebb með mínu leyfi) og einhver „vina“ hennar yfirgaf partýið með margvíslega muni af heimilinu. Mikið þætti mér vænt um ef einhver rekst á uppáhalds ristavélina okkar auglýsta til sölu eða finnur hana á víðavangi að þið létuð okkur,“ skrifaði læknirinn um þjófnaðinn.
Laufey tilkynnti síðar á Facebook-síðu sinni að brauðristin sé komin aftur heim.
„Þvílík helgi!! Ég leyfði unglingnum mínum að halda partý í gær og einn af gestunum ákvað að taka með sér mín ástkæru brauðrist. Eftir mikil samskipti við gestina var fjölskyldan boðuð á fund tveggja einstaklinga sem sögðu að þeir hefðu fundið hana. Hvort sem það er satt eða ekki… Við erum glöð að brauðristin er komin aftur heim eftir vilt ferðalag.“
Allt er gott sem endar vel en minnir saga Laufeyjar á eina frægustu leigubílstjórasögu 21. aldarinnar þegar ungur maður tók sjónvarp foreldra vinar síns ófrjálsri hendi og setti í „pant“ þegar hann hafði ekki efni á að borga fyrir leigubíl.
Athugasemdir