Fjölmiðlamaðurinn og siðfræðingurinn Stefán Einar Stefánsson hefur vakið mikla athygli á undanförnum vikum fyrir frammistöðu sína sem spyrill í vefþættinum Spursmál á Mbl.is. Sumum hefur þótt Stefán harður í horn að taka og ekki leyft stjórnmálamönnum að komast upp með neitt múður. Öðrum þykir hann hafa verið frekur og dónalegur við gesti þáttarins, þá sérstaklega á vinstri væng stjórnmálanna.
Stefán mætti þó ofjarli sínum í nýjasta þætti Spursmála en þar reyndi hann koma Víði Reynissyni, frambjóðanda Samfylkingarinnar og sviðsstjóra Almannavarna, úr jafnvægi með gildishlöðnum og leiðandi spurningum um sóttvarnaraðgerðir í Covid.
Víðir var eins og alþjóð veit hluti af þríeykinu fræga sem gegndi lykilhlutverki í þeim aðgerðum. Víðir var bæði auðmjúkur og fastur fyrir og hikaði ekki við að leiðrétta rangfærslur Stefáns. Líklegt þykir að framkoma Víðis hafi tryggt Samfylkingunni þónokkur atkvæði frá óákveðnum kjósendum …
Athugasemdir