Söng- og leikkonan Cher var að gefa út bók um líf sitt sem nefnist Cher: The Memoir, Part One og í bókinni rifjar hún upp hvernig hún missti meydóminn.
Í bókinni greinir hún frá því að henni hafi verið hafnað af strák sem bjó í götunni eftir að þau fóru í sleik. Þetta særði hana svo mikið að hún ákvað að sofa hjá honum til þess að hefna sín en hann hafði beðið hana um slíkt og hún ávallt hafnað því. Hún segir í bókinni að þetta hafi verið í fyrsta skipti sem hún vildi stunda kynlíf en hún var 14 ára gömul.
Þau sváfu saman og sagði söngkonan við elskhuga sinn: „Er ekkert meira? Erum við búin?“ og sagði honum síðan að fara heim og tala aldrei við sig aftur. Hún vildi láta honum líða eins og hann lét henni líða.
Samkvæmt Cher reyndi strákurinn að hafa samband við hana aftur en hún talaði aldrei við hann aftur. Hún segist einnig að hún hafi verið mjög hrædd um að móðir hennar kæmist að því að hún hafi misst meydóminn svo ung. Söngkonan telur að móðir hennar hafi aldrei komist að því.
Cher giftist síðar tónlistarmönnunum Sonny Bono og Gregg Allman.
Athugasemdir