Arnar Eggert Thoroddsen aðjúnkt og tónlistarsérfræðingur lýsir símtali sem hann átti við Sjálfstæðismann í dag.
Tónlistargúrúinn Arnar Eggert Thoroddsen er skemmtilegur maður, flestir geta sjálfsagt kvittað undir það en í nýrri Facebook-færslu lýsir hann símtali sem hann átti við útsendara Sjálfstæðisflokksins en nú um mundir hringja útsendarar stjórnmálaflokkanna sem óðir séu í grunlausa kjósaendur og reyna að sannfæra þá um að skipta um skoðun, þegar stutt er orðið í kosningar. Svona eins og gengur og gerist. Arnar Eggert er samt ekkert á því að skipta um skoðun, það sé orðið of seint.
Hér má lesa hina skemmtilegu frásögn tónlistargúrúsins:
Óþekkt númer hringir.
A: Halló?
K: Halló. Ég heiti Kristinn og er að hringja fyrir Guðlaug Þór, Brynjar Níelsson og (heyrði ekki).
A: Jahá!?
K: Hvernig sæki ég að þér?
A: Bara ágætlega.
K: Ertu eitthvað farinn að hugsa til kjördags?
A: Nei, en ég hef dálítið gaman af honum Brynjari á Fjasbókinni viðurkenni ég.
K: (Ungur maður auðheyranlega, hvumsa). Jaaá … (hlær).
A: En ég er sósíalisti þannig að ég færi nú seint að kjósa Sjálfstæðisflokkinn. (Spila mig vitlausan) Ertu ekki annars að hringja fyrir Sjálfstæðisflokkinn?
K: Uuu … jú.
A: Já já, og allt gott með það (ég er að verða eins og gamall bóndi með aldrinum!).
K: En það er þá ekkert sem ég get sagt þér sem myndi fá þig til að skipta um skoðun?
A: Nei. Ég er hræddur um ekki. Kannastu við Stjörnustríðsmyndirnar?
K: Já.
A: Þetta er bara eins og Svarthöfði sagði við Loga: „It’s too late for me son…“
Við tekur hlátur. Við báðir. Kristinn hlær glaðværum hlátri, blandaður ákveðnum feginleika og hreinni hissun. Ég hlæ bara með drengnum í e-u skemmtilegu kaffistuði.
Hversdagsleg mannlegheit á þriðjudegi.
Góðar stundir
Athugasemdir