Anna vill koma frænku sinni á sjens: „Hún hefur ekkert á móti dálitlu ævintýri“

Anna Krist­jáns­dóttir ætlar að reyna að koma frænku sinni saman við bar­þjón á Tenerife.

Húmorist­inn og vél­stjór­inn Anna Krist­jáns­dóttir skrapp með frænku sinni á bar­inn í gær en hún er stödd í heim­sókn á heima­eyju Önnu, Tenerife. Segir Anna frá því í nýj­ustu dag­bók­ar­færslu sinni að þetta hafi verið annað kvöldið í röð sem hún hafi endað á Búkkanum, sem er bar sem Anna skrifar oft um.

„Dagur 1941 – Annar dagur á Búkkanum.

Þetta fer að vera alvar­legt. Í tvö kvöld í röð hefi ég endað á Búkkanum áður en ég fer heim eftir að hafa snætt á veit­inga­stöðum í nágrenn­inu. Núna var það með Vilborgu frænku minni af Leir­vogstungu­leggnum. Eftir að við höfðum fengið okkur gott að borða á kín­verska veit­inga­staðnum The Treasure, var litið við á Búkkanum.

Alex var á vakt­inni og hann tjáði mér að nýr starfs­maður væri Daníel, sá hinn sami sem áður rak bar­inn Island Bar Tenerife ásamt fleiri Ítölum. Það verður gaman að hitta hann næst þegar ég á erindi á Búkkann.“ Þannig hefst færsla Önnu.

Því næst talar hún sér­stak­lega um Vilborgu frænku sína og segir hana ynd­is­lega en að hún megi þó borða hraðar. Vilborg er að sögn Önnu laus og liðug og sé alveg til í ævin­týri þannig að Anna er farin að plotta fyrir helg­ina.

„Annars er ótrú­legt að sjá hve Vilborg lík­ist mjög móð­ur­ætt minni. Yndisleg frænka, en mætti borða aðeins hraðar. Hún sagð­ist hafa lært að borða hægt þegar hún bjó í París sem er í algjörri and­stöðu við mína reynslu af mál­tíðum. Þegar ég var ung og sæt og til sjós, þótti það tíma­sóun að vera lengur en tíu mín­útur að borða mat­inn sinn og því miður er ég enn háð þess­ari óreglu í mat­ar­venjum, enda er mér nán­ast aldrei boðið í mat­ar­boð lengur.En nú er spurn­ingin hvort mér tak­ist að tengja Daníel og Vilborgu saman. Mér skild­ist á henni að hún hefði ekk­ert á móti dálitlu ævin­týri, enda laus og liðug, en sjáum til hvað ger­ist um helg­ina.“