Kokhraustur Sigurður

Sigurður Ingi Jóhanns­son, for­maður Fram­sókn­ar­flokks­ins, seg­ist ætla að hefj­ast handa við að byggja upp Fram­sókn­ar­flokk­inn aftur eftir hrunið sem varð á fylgi hans í liðnum kosn­ingum. Hann brást kok­hraustur við á Facebook í gær eftir að upp­lýst var á þessum vett­vangi um gríð­ar­lega óánægju innan flokks­ins með frammi­stöðu hans í kosn­ing­unum þar sem hann spil­aði á trommur á meðan Framsókn brann. Þunga­vigt­ar­fólk í flokknum vill að hann axli ábyrgð og víki fyrir trú­verð­ugri leið­toga. Sjálfur hyggst hann sitja sem fast­ast og  ætlar að „fara hring­inn í kringum landið, hitta Fram­sókn­ar­fólk í félög­unum, í sveit­ar­stjórn­unum og hefja upp­bygg­ing­una“.

Það kemur í ljós á næstu miss­erum hvort hann nær að setja undir sig haus­inn og brjót­ast í gegnum skafl óánægju í flokknum. Til þess þarf hann marga sigra.  Sigurður þver­tekur fyrir þann orðróm sem gengur ljósum logum í flokknum að hann vilji fá starf innan FAO. „Ég er ekki að fara til Rómar til FAO eða nokkuð annað,“ skrifar hann á Facebook.

Nú er bara að bíða og sjá hvort Sigurður getur troðið ósigrinum ofan í kokið á fram­sókn­ar­fólki …